Tsy THB labiera akory izy ity fa fikambanana Tantsaha tehivoatra na hisehatra teknika moderina amin’ny famokarana. Nampahafantatra ny fijoroan’ny fikambanana THB ( Tantsaha tia Hanjary Boriziny ) io ny filohany – Emmanuel Vorisaotra.

   Misokatra hoan’ny rehetra ny fikambanana ary maimaimpoana ny fidirana ao anatiny ho fanampiana ny mpiarabelona. Hisy ny fampiofanana hanatsarana ny famokarana ary hisorohana ireo loza ahiana hitranga eo amin’ny sehatry ny fambolena‚ mba tsy hiverenan’ny fahapotehan’ny fihariana tahaka ireo efa nitranga taloha ireny (bibi mamotika voly lojy na “black eyes” izay mampalaza ny Distrika Boriziny).

   Hiroso misimisy kokoa amin’ny fampiofanana sy fampiharana ny teknika moderna sy manaraka ny fivoarana ny tantsaha‚ mba hampiroborobo ny famokarana ary teknisianina matianina no hiara-hiasa amin’ny hetsika rehetra atao. Hiaraka hamaha olàna isika ary hiaraka hivoatra koa aza misalasala manatona‚ fa misokatra hoantsika ny fiarahamiasa‚ antsoy ny laharana +261 34 64 326 29 ‚ hoy ny filohan’ny THB – Emmanuel Vorisaotra‚ niantso ny tantsaha hikambana.