Fampanantenana efa nataoko‚ ho famporisihana ireo zaza hianatra tsara izy ity‚ lalavola 200 000Ar hoan’ny mpianatra nahazo Lauréat CEPE‚ 500 000Ar hoan’ny mpianatra nahazo Lauréat BEPC ary 1 000 000Ar hoan’izay nahazo Lauréat BAC ato amin’ny Distrikan’Antsohihy‚ hoy Ben’ny tanàna NASIRY Ali nanazava sady namporisika ireo Tanora anohy ny ezaka efa vita ary izay tsy nahazo mba hikiry mafy mba hahazo amin’ny fotoana manaraka.

   Zava-dehibe ary fototry ny fandrosoana ny fahalalana sy fahaizana ka tsy tokony atao ambanin-javatra‚ hoy hatrany izy namporisika ny Ray aman-dReny hampiana-janaka. Misy amin’ireo mpianatra moa lasa niala sasatra ka ny Ray aman-dReniny no naka fanomezana ho azy.