Nametraka fanamby goavana ny mpitantana ny klioba “Fosa Juniors” eto Mahajanga fa hanangana « complexe académique » iray lehibe manaraka ny fenitra takin’ny FIFA entina hampivelarana sy hampitombona ny fahaiza-manaon’ireo tanora eto an-toerana amin’ny tontolo ny baolina kitra.

   “Complexe” iray lehibe, ahitana kianja miisa roa sy ivotoerana hitobiana, fitsaboana ary fisakafoanana no kasaina hatsangana ao Belobaka‚ toerana misy azy ireo.

   Indrsisy anefa, toa raraka an-tany avokoa izany faniriana rehetra izany noho ny tsy fahamatorana‚ ankasoparana niniana natao‚ nanjavona‚ tsy hita ny tompon’andraikitra ny orinasa nandray an-tanana ny fanamboarana ny foto-drafitrasa. Noheverina ho fisolokina avolenta izany satria ny vola lasa nefa ny asa tsy vita‚ hoy ny mpitantana ny klioba izay nampiakatra ny raharaha eny anivon’ny fitsarana.

   Nandray ny andraikiny ny mpitandro filaminana sy ny fitsarana. Voasambotra ary efa any am-ponja miandry fitsarana azy ilay mpandraharaha. Miantso ny tompon’andraikitra sy manampahefana ara-panjakana mba hanafay ilay tompon’antoka amin’io raharaha io ny avy ao amin’ny Fosa Juniors‚ mba tsy ho verimaina ireo ezaka vita.