Nomarihina ny farany herinandro teo ny faha-03 taona ny sekoly tsy mianaka Pascaline Roger ao amin’ny kaominina Maroala Distrika Antsohihy. Tafakatra 450 ny mpianatra manovo fahalalana ato amin’izao raha 150 nanombohana azy ny taona 2021.

   Raha tiana ny hisiany fampandrosoana amin’ny faritra na firenena iray dia omeo fahalalana ary vokiso fahazana ny ankizy na ny tanora ao fa ireny ihany no hitondra fampandrosoana sy hampihatra ny fahaizany amin’ny sehetra izay maha matihanina azy. Manomboka avy amin’ny fanabezana fototra no hamaritana sy handrafetana ny ho avy‚ koa mamporisika atsika hampiditra Zaza hianatra fa tsy hanenenana ny mampiana-janaka‚ hoy Pascaline Dorissine Randrianoro‚ vehivavy mpandraharaha nanorina ny sekoly tsy miankina ao an-toerana.

   Zato isan-jato ny valim-panadinana CEPE sy BEPC hatrizay ary tsy mena-mitaha amin’ny sekoly hafa‚ araka ny fanazavana.

   Omby 02 no lavo nanaovana nofon-kena mitam-pihavanana nandritra ny lanonana‚ izay natrehin’ny lehiben’ny fokontany 07 mandrafitra ny kaominina sy ny vahoaka ao anatiny. Resilahatra ny ankamaroan’ny vahoaka izay tonga niatrika ny fotoana fa tena ilaina ny mampiana-janaka.