Efa narahin’ny Polisy akaiky ity jiolahy ity nandritra ny fotoana naharitra. Fantatra fa lehiben’ny mpanendaka izay mampitaraina ny olona eny Analakely sy manonididina izy io.

   Nametrahana vela-pandrika ity farany‚ ka teo am-panendahana mpandalo teny amin’ny pavillon Analakely izy no nosamborin’ny Polisy ny hariva teo‚ saingy tsy nanaiky mora i Nirina Kely ary namoaka basy teny aminy‚ voatery nitifitra ny Polisy‚ ary tsy tana ny ainy noho ny fahaverezan-drà be loatra‚ araka ny fanazavana.