Omby 16‚ noravain’ny dahalo mirongo basy an-keriny tao amin’ny fokontany Ambodimandresy androany maraina ny 25 Septambra 2024. Nisy avy hatrany ny fanarahandia nataon’ny Zandary sy fokonolona‚ rehefa nahazo vaovao tamin’ny tompon’omby.

   Nizotra mianatsimo ny dian’ireo dahalo nanesy omby 16 ireo ary tonga hatrany Matsaboribe kaominina Ampandrikilady‚ atsimon’ny gara CU Antsohihy.

   Tsy voafaritra mazava ny isan’ireo Dahalo sy ny fitaovam-piadiana eny aminy fa nandritra ny fifanjevoana‚ tsy nahatohitra Zandary izy ireo ka nandositra ary namela ireo omby nangalariny.

   Averina amin’ny tompony ireto omby ireto‚ hoamafisina ny fiarovana ny vahoaka sy ny fananany ary atao hazalambo ireo dahalo araka ny fanazavana.