Matso lehibe sy fanomezana mariboninahitra hoan’ireo nahavita be teto amin’ny firenena no nanamarihana ny faha-64 taona niverenan’ny fahaleovan-tena teto Antsohihy renivohitry ny faritra Sofia.

   Nitarika ny lanonana ny Lehiben’ny Prefektiora Antsohihy sy ireo manamboninahitra maro. Nanontrona teny ny Jeneraly LYLYSON René de Rolland – Governora Faritra Sofia ‚ ny solombavambahoaka sy ny Ben’ny tanàna‚ ireo tompon’andraikitra lehiben’ny sampandrahara maro ary ny vahoaka.