Miankina amin’i Président Rajoelina ny hisian’ny filaminana eto amin’ny firenena na tsia, mialoha sy aorian’ny fifidianana . Aleo halalaka ny fanehoan-kevitra sy famoriam-bahoaka ho an’ny rehetra. Aoka hifampidinihana ny mahakasika ireo rafim-panjakana (CENI, HCC) hitantana sy hikarakara ny fifidianana . Aoka hifampihaino isika samy Malagasy fa ny hevitry ny maro no mahataka-davitra . Raha misy ny krizy dia ny vahoaka foana no mizaka ny vokany . Mila MIHAINO ny Mpitondra satria samy ho tsarain’ny tantara ‚ hoy Siteny Randrianasoloniaiko raha nitafa tamin’ny mpanao gazety ‚ taorian’ny fihaonana nokarakarain’ny CENI androany 24 Martsa 2023.

Zotram-pifidianana azo antoka tsara no tanjona . Ny Lalàna no mibaiko fa tsy maintsy atao amin’ity taona 2023 ity ny fifidianana ‚ hoy kosa ny Filoha teo aloha Marc Ravalomanana.

 Mpanao politika maro sy ny firaisamonim-pirenena ary ireo Raiamandreny am-panahy maro no tonga niatrika ity fihaonana tao amin’ny Novotel-Alarobia androany ity.