Taoriany hetsika sy fitakiana mavaivay izay niafara tamin’ny fandrobana olona nanao ankanjo volomboasary tao Sambava sy tany amin’ny faritra SAVA dia nidina ifotony ny filohan’ny Repoblika Andry Rajoelina ‚ hitondra vahaolana momba ny seham-pihariana lavanila izay nampitaraina ny vahoaka an-taonany maro.

Eo ampiandrasana ny kabary sy vahaolana aroson’ny Filoha ny vahoaka ao Sambava izay vorilanina amin’ny kianja hanatanterahana ny fihaonana . Rakotra volomboasary ny kianja ary efa tazana ny sora-baventy izay feno fankasitrahana ny Filoha amin’ny vahaolana hoentiny . Manafana ny lanonana ireo mpanakanto nasaina ( Ngiahy Tax – Lego … ) . Tazana ihany koa fa misy “moto cross” izay hevirina hozarainy filoha any an-toerana.

Manontrona ny filoham-pirenena any moa ny Praiminisitra NTSAY Christian ‚ lehibeny Governemanta sy ireo minisitra mpikambana ao anaty Governemanta ary ireo Solombavambahoakan’i Madagasikara maro avy ao amin’ny vondrona parlementera IRD izay tarihiny Filohany Depiote Velontsara Paulbert ‚ misy koa ireo Solombavambahoaka tsy miankina izay manohana ny filoham-pirenena sy fitondrana mijoro ankehitriny . Tazana ireo olom-panjakana ‚ olom-boafidy ‚ manampahefana ary vahoaka maro.