Misavorovoro tanteraka ao Angodogno amin’izao fotoana izao . Nitrangana vono olona mahatsiravina tao Angodogno ‚ kaominina Leanja Distrikan’i Port Bergé ny volana Jona 2022 teo . Tovolahy roa maty notetehan’olona tamin’izany fotoana izany rehefa nikasa hamonjy alim-pandihizana tany an-toerana . Efa maty ireo olona ireo vao nanao fampilazana ireo vontondro ho namono fa nahafaty dahalo ‚ tamin’ny mpiaramonina . Ny fanadihadiana natao no nahafantarana fa fianakaviana iray ihany izy ireo ary efa nisy lonilony efa ela noho ny ady tany sy fialonana amin’ny fahazahoam-bokatra ao an-tanàna.

Nisy ny fitorohana nataon’ireo fianakaviana sasany izay namoy havana teny amin’ny fitsarana ambaratonga voalohany Port Bergé . Nanao “ soit-transmis ” tany amin’ny GAPJ “ Groupe d’Appuis de Police Judiciaire ( Recherche criminelles ) ” ny tonia mpampanoa lalàna ao Port Bergé momba io raharaha io ‚ afahana mandray fanapahan-kevitra momba ilay tranga vonon’olona.

Nisy ny fidinana ifotony nataony zandary taoriany famotorana natao tamin’ireo tompon-kavana sy vavolombelona . Efa nohentiny zandary avy any ireo olona telo amin’ireo olona 06 voatondro ho tompon’antoka saingy navotsotra teny an-dalana izy ireo rehefa niditra an-tsehatra tamin’ity raharaha ity ny solombavam-bahoaka voafidy tao Port Bergé . Voalaza mantsy fa tsy nitsahatra niantso ireo manampahefana ( zandary sy ny tonia mpampanoa lalàna ) ny solombavam-bahoaka ‚ mba hamotsorana sy hamelana ireto olona efa teny ampelatanany zandary mba hatao famotorana aty Antsohihy ireto raha ny loharanom-baovao voarainay.