English
French
German
Italian
MINISITRA ORLÉA VINA TAO AMIN’NY ANTENIMIERAMPIRENENA 🦥🌿☀️🌳
Betsaka ny ezaka vitan’ny minisiteran’ny tontolo iainana sy fandrosoana lovain-jafy nanomboka ny taona 2019 ka hatramin’ny 2023‚ raha ny fanatanterahana ny Velirano faha-10 : “Fitantanana maharitra ny harena voajanahary”.
Lohahevitra miisa 7 no nisongadina tamin’izany :
Fitantanana sy ny fandrakofana ala
Paikady entina nisorohana ny tsy fahampiana’ny olona amin’ny fitantanana maharitra ny harena voajanahary;
Ady amin’ny fiovan’ny toetrandro
Fampiroboroboana ny fandrosoana lovainjafy
Ady amin’ny kolikoly sy ny fitrandrahana tsy ara-dalàna ny harena voajanahary
Fampahafantarana – Fanabeazana – Serasera sy fifandraisana
Toro hay ara-tontolo iainana
Isan’ny nivoitra tamin’izany ny nametrahana “pépinières géantes” miisa 5 tamin’ny faritra miisa 5 ny taona 2022-2023 izay mamokatra zanakazo 1 tapitrisa isanisany avy ary ny 17 ambiny dia hapetraka mialohan’ny taom-pambolen-kazo manaraka. 98,58% ny tanjona napetraka 75 000ha no tratra ny taona 2022. Nanomboka tamin’ny taona 2019 hatramin’ny taona 2023 dia nahitana fitomboana 42% ihany koa ny velaran-tanin’ireo faritra arovana, izay mandrakotra ny 16% ny velaran-tanin’i Madagasikara ka nahatratra 9 922 565 ha izany, raha 7.000.000 ha mahery izy talohan’ny taona 2019. Nohamafisana ihany koa ny ady amin’ny afo.
