Ao amin’ny tendrombohitra Magnàsamody ‚ kaominina Anjiamangirina Distrikan’i Antsohihy no misy atiala mikitroka‚ izay mbola ahitana biby maro karazany ‚ toy ireo haihai izay ahiana ho lany tamingana ka mila fiarovana . Nilaza ny fahavononany ary resy lahatra ny fokonolona amin’ny fiarovana io atiala io ‚ raha nidina ifotony nifampiresaka tamin’ireo solontenan’ny mponina ny Talem-paritry ny tontolo iainana sy fampandrosoana lovain-jafy Sofia ‚ Clermont Manantsoa ny faraparany herinandro teo.

Tsy hijanonana amin’ny fiarovana ihany fa natolotra sy nampahafantarina nandritra ny fidinana ifotony nataon’ity Tale vaovao misahana ny tontolo iainana ato amin’ny Faritra Sofia ity ny fisian’ireo tompon’andraikitra avy ao amin’ny Association MADA-FAR ‚ izay vonona hiara-hientana amin’ny fiarovana ny atiala sy hanatanteraka fambolen-kazo ary hanofana ireo tanora sy ireo miantsehatra amin’ny fiompiana tantely ao Anjiamangirina.