Tsy teto Madagasikara ny Depiote Naharimamy Lucien Irmah, Filoha Lefitry ny Antenieram-pirenena faritany Toamasina tamin’ireny resaka fanapohana solika izay nahavoatonona anarany teo ireny. Tafaverina eto an-tanindrazana izy ankehitriny ka nitafa tamin’ny mpanao gazety androany alarobia 28 septambra 2022.

Hatreto aloha mbola tsy nanao asa ratsy ary tsy hanao izany. Mbola tsy olom-boafidy ahy dia nipetraka tsara teto Toamasina fa efa nametrahan’ny vahoaka fitokisana ve hisary adala？Sanatria, tsy hanao izany aho. Malalaka ny fanehoan-kevitra ka tsy hanome tsiny ny mpiserasera amin’ny tambazotra sosialy Facebook nanaparitaka iny resaka iny sy ilay Gazety namoaka azy tamin’ny voalohany. Mivavaka ny fanahin’izy ireny aho mba haminindran’ Andriamanitra fo na dia manely tsaho aza », hoy izy teo anatrehan’ny mpanao gazety.