Teo amin’ny Banjabe Bealanana no nanehoana ampahibemaso‚ hoitam-bahoaka ireo fitaovana maro toy ny Ordinateur‚ Imprimante‚ Onduleur‚ Jiro Cobra miisa 50 ary moto avy amin’ny fitondram-panjakana tarihin’ny filoha Andry Rajoelina‚ tamin’ny alalany minisiteran’ny Ati-tany sy fitsinjaram-pahefana.

Niatrika ny fotoana teny ny lehiben’ny Distrika Bealanana sy ireo Lehiben’ny sampandraharaha miankina sy tsy miankina amin’ny fanjakana. Nitondra teny fisaorana ny fitondram-panjakana ny Ben’ny tanàna Aziz Andriamanantsoa . Hoaparitaka amin’ny fokontany ireo Jiro mba hanazava ny tanàna‚ ho ampiasaina hanafainganana ny fikarakarana ny antotan-taratasy ilaina eo amin’ny kaominina kosa ireo fitaovana azo‚ hoy ny fanazavana nataony Ben’ny tanàna.