English
French
German
Italian
ANTSOHIHY : MISESISESY NY VAKI-TRANO ▪️LASANY JIOLAHY IREO FINDAY “ANDROID” AMPOLONY MARO NOKASAINA AMIDY
Manararaotra fahatapahany herinaratra sy orana mikija arahin-drivotra amin’ny andro alina ireo Jiolahy manatanteraka vaki-trano eto Antsohihy . Tokantrano maromaro no efa nandrenesana fitarainana momba ny vaki-trano tao anatin’ny telo volana nisiany « délestage » teto Antsohihy izay . Betsaka ireo very fitaovana sy fananana lafo vidy saingy tsy mbola hita hatreto fa nanjavona tanteraka.
Tokony ho tamin’ny 01 Ora maraina ‚ androany 25 Janoary 2023 no fantatra fa nisy namaky ny trano fitehirizan’entan’ireo mpivarotra ao Madosomaiky ( entamadinika ) . Lasa tamin’izany ny finday ( téléphone Android ) vaovao miaraka amin’ny kojakoja momba ny finday ( accessoires ) ‚ entana amidy ireo lasany jiolahy ireo raha ny fanazavana.
Tsy mbola nahitana mangirana ny momba azy ireo hatreto ‚ toraka izany koa ireo fitaovana very amin’ny fokontany hafa fa manjavona tanteraka . Manaitra ny rehetra ihany koa tsy hividy entana amin’ny sisiny na ho malina ihany rehefa misy mivarotra entana na finday fandrao hividy entana halatra ka ho very vola sady voasaringotra amin’ny raharaham-pitsarana izay tsy mbola fantatra ny mety ho tohiny.
_____________________________
Aboaho Ankiaka ® JDR News.
