Nisy mpivady niady tao Antsirabe Centre, distrikan’i Mandritsara ny alarobia 31 Mey 2023 tokony ho tamin’ny 09 Ora alina teo. Tsy fantatra mazava izay tena fototry ny olana fa nohenjehin-drangahy tamin’ny antsibe ny ramatoa vadiny‚ Tsy nisy sahy nanakana n’a niditra an-tsehatra ny mpiara-monina fa nitazana sy niantso zandary.

Tonga ara-potoana ny zandary‚ ary niezaka nandamina. Ilay rangahy hikapa ny vadiny tamin’ny antsibe iny no nosamborin-drasefo ka nifafatra taminy ilay antsy‚ voafira teo amin’ny handriny no sady tapa-tànana ilay zandary‚ nitifitra avy hatrany ireo namany ka maty tsy tra-drano niantefan’ny bala ilay rangahy‚ nohentina namonjy toeram-pitsaboana kosa ilay zandary naratra mafy araka ny fampitam-baovao voaray.