Rehefa natao ny fitsirihana ny fantsona rehetra ampiasain’izy ireo dia hita fa tsy manaraka ny fenitra izany. Ka ny rano ao anatin’io « chasse d’eau » io avy eo no miverina any anaty fantsona ary mahatonga ny rano ho lasa mangamanga . Na izany aza dia nanao fitsirihana ny fahadiovan’ny rano tamin’ny manodidina rehetra ireo teknisian’ny laboratoaran’ny Jirama ka madio tsara ary tsy misy loko no sady tsy misy atahorana ny rano ampiasain’ny olona rehetra.

 Tsara ny manamarika fa misy ny décret 2003 – 941 mamaritra ny fanarahamaso ny rano. Ka ao amin’io ny kalitao ny rano fisotro madio. Amin’ny ankapobeny dia faritana amin’ny kalitao « physico-chimique » sy kalitao « bacteriologique » ny fahadiovan’ny rano

Ny rano vokarin’ny JIRAMA dia manaraka tanteraka ny fenitra voalazan’io décret io miala eny amin’ny tobim-pamokarana ary efa nasiana ny singa (chlore) ao anatiny mba ho voahaja hatrany amin’ny kaonteran’ny mpanjifa . Koa raha misy tranga mampiahiahy mahakasika ny kalitaon’ny rano dia entanina isika mpanjifa MBA hampandre avy hatrany ny JIRAMA amin’ny alalan’ny 3547 mba hisorohana ny fikorontanan’ny saim-bahoaka sy ny fanohintohinana ny filaminana ihany koa amin’ny fizarana horonantsary any anaty tambazotran- tserasera.