Miatrika ny fanomanana (initiation) amin’ny fidirana ho Mpianatra ho Manamboninahitra ao amin’i Akademia Miaramila Antsirabe ireo tanora lahy sy vavy afaka tamin’ny fifaninana hidirana ao amin’ny Andiany mivantana faha-46 sy ny Andiany manokana faha-26.

Izany fanomanan-tena izany dia tanteraka nanomboka ny 19 martsa 2023 teo , tao amin’ny tobin’ny Tafika an’habakabaka « Base Aérienne 213 » Arivonimamo.

Natao izao mba hanomanana ny herim-batana sy hijerena ny toe-pahasalamàn’ireo tanora ‚ hahafahany miatrika ny fiofanana miandry azy any amin’ny Sekoly . Miisa 117 izy ireo ‚ 65 ho an’ny Andiany mivantana faha-46 ary 52 kosa ho an’ny Andiany manokana faha-26 . Taorian’ny fizaham-pahasalamana dia nanomboka avy hatrany amin’ny fampianarana sy fanamafisana miandalana ny ara-batana ireo mpampiofana.