Ben’ny tanàna na solontenan’ny Ben’ny tanàna avy amin’ny kaominina 120 mandrafitra ny faritra Sofia no tonga teto Antsohihy renivohitry ny Faritra tamin’ity herinandro ity ‚ niatrika fihofanana sy fampahafantarana momba ny lalàna sy dingana arahina amin’ny fandrefesan-tany faobe sy fanomezana kara-tany izay iarahana amin’ny tetik’asa CASEF ‚ mametraka ny Birao Ifotony Fananan-tany.

Vita ary namonjy fodiana ireo Ben’ny tanàna androany 28 Febroary 2023 ka samy nomen’ny Governoran’ny Faritra Sofia JIRO MAZAVA “ LAMPADAIRE ” izy ireo mba hanazana ny tanàna misy azy . Nanolotra izany sady nisolotena ny Jeneraly Lylyson ‚ Governoram-paritra ‚ ny Sekretera Jeneralin’ny Faritra.

Nitondra teny fisaorana sady nisolotena ireo Ben’ny tanàna rehetra ‚ Atoa Ratsarahaja Jonah – Ben’ny tanàna voafidy tao Mampikony.