English
French
German
Italian
ZÔVY, AMBARÀ
Zôvy loatra mô anao e, oa zavavy igny
Nampiheriky ôlo maro hatsaragna nao,
Mampiala satroko e, ary tegna tsisy tsigny
Na sôra, na bika, na fagneva, anagnanao.
Anà mandeha, tongotro i karaha misy laroà
Hotry ôlogno handihy sady tsy mirekireky
Mavilavila e, nefa koa tsy mantrentreky
Fitsanganagna? mahitsy e, avià mizahà.
Mikoragna anao igny, karaha ôlo mihira
Mimoehy koa baka, e mahafaka hasira
Masonà mizaha, mazava karaha davôlagna
Ravoravo aminao aby kila ze mivôlagna.
Mampagnara-maso kony anà koa fa mitera
Sanjinao i tsara fô, na ino raha anaovagna:
Tsy lefaka lamôdy, fa mahay ny raha lera
Magneva anà ny zipo, jôka, rôbo na salôvagna,
Tsara totry koa anà fa tsy ôlo tia mipoerapoera
Halanà lasite na zôvy tsy magnaja ôlogno
Môdely halaigny tahaka: fagnahy no valera
Ambarako mazava, mbô hain’ny fôkonôlogno.
Tsy mbô sarotro aminà ny magnamia ze tsy managna
Satria anà tsy mahidy, tegna malala-tàgnagna;
Ôlo tsy tia ady, tsotra, môra ikoragnagna,
Matoky Zagnahary, sady tia fihavanagna.
Zany tovovavy gasy, io ambarako anà,
Vaiavin-tsimihety, avy amin’ny faritr’i Sofià
Tegna mazôto miasa, sady tia fivoaragna,
Tsy mavôzo, tsy miavogno, na nahita fianaragna.
LOLLY JO’H.
(11/02/21).
(Crédit Photos : avec l’aimable autorisation de Frozeïsha Caryoca).
