Na manao ezaka ny mpitandro filaminana ka miraviravy tànana ny vahoaka na fokonolona ao anaty fiarahamonina dia ho sarotra ary hanjaka anaty fotoana maro ny tsy fandriampahalemana . Ny firaisankina sy ny fahavononana ary fiarahamiasa ny mpitandro filaminana sy ny vahoaka no fanalahidy mahomby hoan’ny fandriampahalemana.

Betsaka ireo fokontany lasibatry ny vaki-trano tatoato ‚ amoizana fananana maro izany . Bisikleta ‚ écran plat 50″ ‚ lecteur ‚ décodeur ‚ rideau ‚ lafipandriana ‚ vilany ‚ vilia sns no very tao Ambalabe Est kaominina ambonivohitry Antsohihy herinandro vitsy lasa izay ‚ finday ampolony maro very vokatry ny vaki-trano tao Madosomaiky ‚ finday sy fitaovam-piasany mpitsabo very tao Ambalapamba sns tsy voatanisa ary ingahy Stephanot dit PASITERA no voalaza sy voatonontona ho ambadik’ireo halatra sy vaki-trano ireo ary tsy mbola voasambotra hatramin’izao.

Manoloana izany‚ tokony hanamafy paik’ady ny mpitandro filaminana hisamborana azy sy ireo tambazotran-dahalo miaraka aminy ‚ toraka izany ihany koa ny fokonolona sy ny mpiaramonina ‚ mba hanamafy ny firaisankina ary indrindra hanome vaovao ny mpitandro filaminana ara-potoana raha mahita azy mivezivezy na koa manana loharanom-baovao momba azy.