Raikitra indray ny ady tany ao Ambendrana ‚ fokontany Ankiririky sud ‚ kaominina ambonivohitry Antsohihy faritra Sofia . Samy milaza ho manana taratasy ireo mpiady ary samy milaza ho tompony tany rehefa madio sy nanorenana fotodrafitr’asa ary hiroso amin’ny fanatsarana ny sasany ka hametraka toeram-pitsaboana ao.

Tsy misy olona nilaza ho tompony ny tany rehefa nividy azy aho ‚ nikarakara taratasy momba izany aveo nizotra ampilaminana tsy nisy raorao fa rehefa nametraka fotodrafitr’asa ‚ hampiofanana tanora ary mikasa hanao toeram-pitsaboana mihitsy dia voahelingelina ‚ raikitra ny ady teny amin’ny fitsarana ‚ nivoaka ho mpandresy izahay miaraka amin’ny didim-pitsarana raikitra kanefa mbola ilana vaniny sy ampihorohoroana hatrany ‚ hoy ny fanazavana nataony ankilany.