English
French
German
Italian
ANTSOHIHY : RAHONANA SY TEREN’ILAY MPANABE MBA HANAIKY AZY▪️ILAY TOVOVAVY KELY 17 TAONA
Efa hatramin’ny heritaona no nanindraindra heriny sy nandrahona ary nanao teny kafara tamin’ilay tovovavy kely 17 taona ity anti-dahy mpampianatra sady mpanabe ao amin’ny sekoly tsy miankina iray manana ny lazany eto Antsohihy ity ‚ saingy nandà hatramin’ny fariny ilay zazakely.
Hifankahita isika raha mbola mikiry handà ‚ tsy manaiky hiaraka amiko ianao ‚ izaho rahateo no mitsara sy manome naoty anareo amin’ny Bakalorea sy amin’ny fanadinana ka ho hitanao eo ny tohiny ary tsy ampianatra anao intsony aho ‚ hoy ny fandrahonana nataon’ilay anti-dahy tamin’ilay zazavavikely ? Milaza ho maintomolaly sy tranaina ao amin’ilay sekoly ilay anti-dahy ka tsy misy sahy mikitika azy na ny Talen-tsekoly aza raha ny fanazavana voaray.
Manomboka hita taratra tatoato ny toetra ratsy asehon’ity anti-dahy ity amin’ilay tovovavy kely . Efa nisy ny tatitra natao tamin’ny tompon’andraikitra ‚ ny Talen-tsekoly momba izany ka andrasana ny tohin-draharaha . Voalaza fa efa fanaon’ity anti-dahy ity ‚ io fomba ratsy io ary misy moa ireo mpianatra tsy mahazaka izany ka voatery mifindra toerana hianarana ‚ raha ny resaka miely.
______________________________
Aboaho Ankiaka ® JDR News.
