Raha tsy misy fiovana dia ny alatsinainy 12 Septambra 2022 izao no higadona eto Antsohihy renivohitry ny faritra Sofia ny Minisitrin’ny serasera sy ny kolontsaina ‚ Lalatiana Andriantongarivo.

Hanolotra sy hanome mariboninahitra ireo mpanakanto ato amin’ny faritra Sofia ary hitokana fotodrafitr’asa manarapenitra vita ato amin’ny Distrikan’Antsohihy sns izy . Efa miomana amin’ny fahatongavany ireo tompon’andraikitra maro.

Anisan’ireo ahazo ny mariboninahitra amin’io fotoana io i BAHOEJY izay namorona ny dihin-dRazana BAHOEJY ‚ dihy anisany mampiavaka ny faritra Sofia . Avy ao Ambohimandririna ‚ CR Ambodimandresy – Antsohihy no mipetraka i BAHOEJY ‚ izy no namorona iny dihy malaza sy mampiavaka ny faritra Sofia eran-tany iny ka mba miangavy izy ny tsy hanasiana “ W ” rehefa manoratra ny anarany dihy BAHOEJY mba ho fanajana ny mpamorona . Ny anarany ihany mantsy no nampitondrainy anaran’ity dihy noforonony izay naseho voalohany tao Mampikony ‚ faritra Sofia ny taona 1986.