Efa nisy ny fizarana tapakila isaky ny tokantrano voakasiky ny fizarana lay eny anivon’ny fokontany‚ ka ireny tapakila ireny no hoentina maka izany mba hisiany filaminana sy mba ahafahan’olon-drehetra misitraka ny lay misy odimoka‚ hoy ny fanazavana nataon’ny tompon’andraikitra eo anivon’ny fahasalamana ato amin’ny Distrika Antsohihy.

   Maimaimpoana ny lay izay ho zaraina‚ koa amporisihana ny mpiarabelona mba samy hampiasa izany araka ny tokony ho izy‚ fa tsy anaovana zavatra hafa. Hisy ihany koa ny fanaraha-maso iarahana amin’ny manampahefana sy ny mpitandro filaminana hoan’izay mampiasa izany amin’ny zavatra hafa‚ ary andraisana fepetra.

   Mialoha izany rehetra izany dia nisy ny fivoriana sy dinika niraisan’ireo manampahefana sy tompon’andraikitra‚ ny firaisamonimpirebena ho fiatrehana ny fizarana lay misy odimoka‚ ho fiarovana ny vahoaka.

   Mahafaty ny Tazomoka raha tsy voatsabo ara-potoana‚ koa aleo misoroka toy izay mitsabo.