Mitodika any Anjozorobe avokoa ny mason’ny mpanara-baovao ankehitriny‚ miandry vokatra avy amin’ny hetsika ataon’ireo mpitandro filaminana izay efa nalefa any ifotony‚ hanao hazalambo ireo dahalo mpaka an-keriny namono nahafaty olom-pirenena miisa 05 tamin’ny fomba feno habibiana tanteraka.

   Etsy ankilany‚ mandeha ny adi-hevitra eny anivon’ny fiarahamonina momba ny tsy fandriampahalemana sy ny fahataran’ny fandrasan’ny fitondram-panjakana andraikitra. Ireny tranga tao Anjozorobe ireny no efa ampy itarafana fa sahy mandrefy ny mpitandro filaminana sy ny fitondram-panjakana Malagasy ireo dahalo mpaka an-keriny ary tsy matahotra.

   Manoloana ireo rehetra ireo‚ betsaka ny miantso an’ny Jeneraly LYLYSON sy Kolonely Faneva handray andraikitra. Tsy tokony hitavozavoza ny fitondrana amin’ny fanapahan-kevitra izany mba tsy hitohizan’ny tranga tahaka izao intsony‚ hoy ny mpanara-baovao maneho ny heviny fa arahintsika eto ny mety ho tohiny.