Tanterahina mandritra 03 andro eto Antsohihy renivohitry ny faritra Sofia ny dinika sy fakan-kevitra momba ny tsy fahampian’ny rano fisotro madio‚ fidiovana sy fanadiovana ato amin’ny faritra Sofia‚ iarahana amin’ny Tetik’asa “RANO MAHARITRA”.

   Ny Talem-paritry ny Rano fidiovana sy fanadiovana Sofia no nitady famatsiam-bola ahafahana mamaha ireo olàn’ny tsy fahampian’ny rano ato amin’ny faritra ka nahatongavan’ity tetik’asa ity hiasa mandritra ny 05 taona ato amin’ny faritra raha mahazo fankatoavana.

   Fakan-kevitra sy dinika amin’ireo Distrika sy olàna misy ao no natao teto niaraka tamin’ny Sekretera Jeneralin’ny Faritra Sofia sy ireo tompon’andraikitra maro. Anisany voaresaka nandritra ny atrik’asa ny mahakasika ny tsy fahampian’ny rano ao amin’ny Distrikan’i Mandritsara izay efa ela nampitaraina vahoaka any an-toerana.