Nandritra ny 02 andro ny fanamarihana ny JIM (Journée Internationale de Mangrove) na ny andro iraisam-pirenena hoan’ny ala honko tato amin’ny faritra Sofia.

   Ny fambolena zana-kazo honko 200 sy voan’ny honko 76 000 izay niarahana tamin’ny vahoaka an-jatony tao Ambavan’Andranolava Fokontany Ambalarano Nord Kaominina Ambodimandresy Distrikan’ Antsohihy no nanombohana ny fankalazana ny 25 Jolay 2024 teo.

   Notohizana tamin’ny hetsika ara-kolotsaina mampiavaka ny faritra Sofia sy fanentanana amin’ny tonkony hiarovana ny ala honko ary vokatra tsara azo avy amin’izany ny hetsika ny 26 Jolay 2024 tao Ambalarano Nord.

   Tazana nanontrona ny lanonana ny solombavambahoakan’i Madagasikara voafidy tao Mandritsara nisolontena ny solombavambahoaka namany‚ Nitondra teny fisaorana hoan’ny manampahefana sy ireo mpiaramiombon’antoka ary ny vahoaka rehetra niara-nihentana tamin’ny fanamarihana ny hetsika manana ny maha izy azy ity ny Talem-paritry ny tontolo iainana sy fandrosoana lovain-jafy Sofia.