Efa natomboka tamin’ny famorana faobe ny zoma 19 Jolay 2024 teo ny hetsika fanombohana ny 𝐅𝐄𝐒𝐓𝐈𝐕𝐀𝐋 𝐃𝐎𝐍𝐀-𝐁𝐄 eto Antsohihy renivohitry ny faritra Sofia.

   Hisy ny diabe mamakivaky tanàna rahampitso 25 Jolay 2024 amin’ny 02 ora tolakandro‚ ho tohizana amin’ny kabary hifandimbiasan’ireo manampahefana ato amin’ny faritra sy ireo vahiny nasaina ho fanokafana ofisialy ny «𝗙𝗘𝗦𝗧𝗜𝗩𝗔𝗟 𝗗𝗢𝗡𝗔-𝗕𝗘 𝟮è𝗺𝗲 𝗘𝗗𝗜𝗧𝗜𝗢𝗡» ao amin’ny “terrain Travaux” Antsohihy.

   Manomboka amin’ny 09 ora alina ny alim-pandihizana fanokafana sady 𝗙𝗜𝗡𝗔𝗟𝗘 𝗠𝗜𝗦𝗦 𝗗𝗢𝗡𝗔-𝗕𝗘 ao amin’ny Tranompokonolo Antsohihy. Izay mahazo voalohany no solontena hiala sasatra any amin’ny Nosy Maorisy sady mahazo fanomezana maro.

   Hisesisy araka ny fandaharam-potoana aorian’izay ny hetsika miaraka amin’ireo mpanakanto maro nasaina hanafana ny lanonana . Matotra ny fanomana ary efa narindra mba tsy hisiany olàna‚ mpitandro filaminana mitambatra no hitandro ny filaminana mandritra ny hetsika‚ ampy ny trano fandraisam-bahiny hoan’ireo avy lavitra‚ hoy ny fanazavana.