Efa hatramin’ny 05 Jona 2024 no tsy hita popoka ity mpitsara‚ Solon-tonia mpampanoa lalàna ambony ao Mahajanga izay fantatra amin’ny anarana Rakotondravony Henri ity‚ raha nandeha nanatitra voka-pifidianana ny Distrika Marovoay any amin’ny CENI foibe no nialany tao Mahajanga sady nikasa hividy fiara‚ ary nanao andrana ilay fiara ho vidiny izy no nisy namono ity araka ny fanazavana voaray.

Omaly 19 Jona 2024 tamin’ny 04 ora maraina vao hita nisy nandevina tao Antsahadinta Antananarivo ny vata-mangatsikany‚ efa tsy ahaizana azy intsony ary efa simba tanteraka ny tarehiny sy ny vatany.

  Olona 02 no efa voasambotra hatreto voasaringotra amin’ity raharaha ity. Mitohy ny fanadihadiana sy fikarohana ireo tompon’antoka sy mpiray tsikombakomba amin’izao habibiana nahazo ny Mpitsara Malagasy ity.

  Raha ny fampitam-baovao voaray ihany koa dia sabotsy 22 Jona 2024 izao no hiala ao Antananarivo ny Razana‚ hoentina ao Befotaka Avaratra – Distrika Analalava Faritra Sofia. Raha tsy misy fiovana ihany koa dia ampandalovina ao amin’ny fitsarana ambaratonga voalohany Antsohihy izy ny alahady 23 Jona 2024.

  Raha ny fampitam-baovao voaray ihany y azy handry am-piadanana ary mankahery ny fianakaviamben’ny Mpitsara Malagasy.