Lehilahy teratany frantsay iray sy ny vadiny malagasy notafihan’ny jiolahy roalahy tao an-tranony‚ ny zoma misasakalina tao Antseranampasika Salazamay‚ Toamasina.

   Tsy nisy mpiambina ilay trano fa izy mivady ihany no ao anatiny. Niditra an-keriny tao an-trano ireo olon-dratsy nisaron-tava‚ nitsatok’antsy ny sandrin’ilay vazaha. Nianjera ity farany ka naratra mafy ary voa hatramin’ny lohany

   Tsy afa-nanohitra ilay vadiny noho ny hery tsy mitovy izay nampian’ny tahotra sy hororo. Lasan’ireo jiolahy tsy mataho-tody ny finday lafo vidy “iPhone”‚ ny solosaina, fahitalavitra, vola 500 000 ariary sy karatra fampiasa amin’ny banky.

   Nohentina amin’ny CHU Morafeno kosa ilay vazaha naratra mafy‚ manohy ny fikarohana ireo tsy valahara ny mpitandro filaminana.