Teo amin’ny Rond Point Antsohihy renivohitry ny faritra Sofia no nanatanterahana ny lanonana ara-miaramila namindrana fibaikoana amin’ny Kolonely Ando Mamisoa Rakotondravonimananoro, ho Commandant Bataillon d’infanterie Antsohihy nisolo an’ny Kolonely Bakoize Merrick izay nahazo famindran-toerana any Antsiranana.

   Teo ambany fiahian’ny Jeneraly Deramasinjaka Manantsoa Rakotoarivelo – Chef d’Etat Major des Armées sy Jeneraly Rakotoson Jocelyn – Chef d’Etat-Major de l’Armée de terre ary Kolonely Randriasoloarimina Arimanana – Commandant de Brigade d’infanterie Nord-Ouest Mahajanga‚ ny lanonana izay nontronon’ny Solombavambahoakan’i Madagasikara voafidy tao Port Bergé‚ ny Governoran’ny faritra Sofia‚ ny Lehiben’ny Prefektiora Antsohihy‚ mpikambana ao amin’ny OMC Sofia‚ ireo Talem-paritra maro sy Ben’ny tanàna ary ireo manam-boninahitra sy vahoaka maro.

   Fiarovana sy filaminana ny Tafika Malagasy‚ mandray anjara amin’ny fampandriana fahalemana miaraka amin’ny Polisy sy Zandary. Misy ny “patrouille de sécurité rurale” efa ataon’ny Tafika ka miantso ny vahoaka mba hanome loharanom-baovao mari-pototra ahafahana mamongatra ireo olon-dratsy‚ raisina ary atao tsy ambaratelo izany‚ hoy ny Jeneraly Deramasinjaka Manantsoa Rakotoarivelo‚ Chef d’Etat Major des Armées niantso vahoaka hatoky ny mpitandro filaminana fa indrindra ny Tafika Malagasy.

   Nisy ny fanazaran-tena‚ filatsana an-helon’aina nataon’ireo miaramila nahazo fiofanana momba izany teto Antsohihy nandritra ny tontolo andro ary nitohy androany izany.