Gony miisa 02 feno zava-mahadomelina rongony‚ izay milanja 22kg no saron’ny Zandarimariam-pirenena avy ao Maroantsetra ny sabotsy 20 Jolay 2024 teo.

   Avy ao amin’ny kaominina Belalona Distrikan’i Befandrina Avaratra izy ireto fa kasaina hoamparitaka ao Maroantsetra‚ loharanom-baovao avy amin’olona tsara sitra-po no nahatratrarana azy ireo tao Ambodiadabo.

   Mitohy ny fanadihadiana mba ahafantarana ireo mpividy na mpandray ireto zava-mahadomelina ireto ao amin’ny tanàna Maroantsetra araka ny fanazavana nataon’ny Zandary Lehiben’ny tobim-paritra any an-toerana.