Manomboka izao dia tsy ekena ireo mitonona ho orinasa lehibe‚ miditra antsokosoko miasa sy manao tsinontsinona ny vahoaka ary tompon’andraikitra ara-panjakana ato amin’ny faritra. Milaza hanao fambolen-kazo aty ny sasany kanefa olona avy any anivon-tany lavitra any hoentina‚ izay tsy afaka miaro sy mamono afo aty akory raha sendra misy olàna‚ toraka izany koa ireo milaza hanao fanadihadiana momba ny zavatra aty‚ na fomba fifandraisany amin’olona aza mampanahirana ka tsotra ny hafatra‚ aleo omena vahana ny zanaky ny faritra Sofia raha zavatra mbola vitany ato anaty faritra. Ireo orinasa manambany sy manivaiva ny zanaky ny faritra sy tompon’andraikitra ato amin’ny faritra io ihany koa andraisana fepetra‚ hoy ny Jeneraly LYLYSON René de Rolland – Governora Faritra Sofia nandritra ny fananganan-tsaina niraisan’ny tompon’andraikitra ara-panjakana tao amin’ny lapan’ny faritra Sofia androany 01 Jolay 2024.

   Miantso ireo tompon’andraikitra ara-panjakana ho sahy hijoro raha misy vina sy tetik’asa hiasa sy hampiasa olona amin’ny faritra Sofia ny Governora‚ mba hanao lohalaharana ny zanaky ny faritra‚ ary ny hanamafy ny fanarahamaso‚ hisiany vokatra tsara. Namafisiny rahateo fa vonona hanabevoho‚ hiaro ireo tompon’andraikitra ara-panjakana ifotony izay iharany tsindry ataon’ireo lehibe misahana ny tetik’asa aty ifotony ihany koa izy.

   Niatrika ny fotoana teto ny Lehiben’ny Prefektiora Antsohihy sy ireo mpikambana anivon’ny OMC Sofia ary ireo Talem-paritra‚ tompon’andraikitra lehiben’ny sampandrahara maro.