Ordinateur portable – Imprimante – Papier – Telephone Itel ary fitaovana maro no natolotry Dr RAKOTONDRAZANDRY Jeannin Nicolas mivady‚ hoan’ireo mpianatra Zanaky Mandritsara mandranto fianarana ao amin’ny Oniversiten’i Mahajanga izay mivondrona ao amin’ny fikambanana FMAATM ( Fikambananan’ny Mpianatra Ambaratonga Ambony Terak’i Mandritsara ).

    Hoentina hanalana ny fahasahiranan’ny mpianatra amin’ny fanaovana boky sy fanaovana « photocopie des documents » ilaina any ampianarana, sns no antony nanomezana ireto fitaovana ireto‚ ho fanamaivanana ny vesatra zakain’ny Raiamandreny mampiana-janaka ao Mahajanga.

    Tsapako ary tena aiko ny fahasahiranan’ny Raiamandreny sy ny mpianatra mamita fianarana aty lavitra aty. Tsy misy manana ny ampy fa sambatra kosa izay mifanampy. Amin’ny maha zanaka Mandritsara sy zokin’ireto tanora mpianatra ireto aho no nanaovanay mivady hetsika ho fitsinjovana azy ireo‚ hoy Dr RAKOTONDRAZANDRY Jeannin Nicolas “Enseignant vacataire” ao amin’ny “faculté des Sciences, Université de Majunga”. Nisy ny hafatrasy anatra mafonja narahin’ny fampianarana no nifampizarana nandritra ny fotoana nihaonana omaly 21 Jona 2024 tao Ambondrona.

    Velom-pisaorana tanteraka ireo mpianatra‚ voavaha ny olana ara-pitaovana‚ miandrandra vokatra tsara‚ mba ho reharehan’i Mandritsara izy mivady.