Mitohy ny hetsika ataon’ny Zandary izay tarihin’ny lefitry ny Komandy vondron-tobim-paritra Antsohihy ao amin’ny kaominina Anahidrano – Ankerika – Anjiamangirina – Ambalafaminty sy ny manodidina azy‚ ho fampandriana fahalemana. Atao hazalambo ireo dahalo mpampihorohoro sy nandrava omby an-jatony tao Andavaboay kaominina Ambalafaminty.

   Omby 46 no efa tafaverina amin’ny tompony hatreto‚ dahalo iray maty voatifitra teo akaiky tanàna Betomendry izay malaza ratsy amin’ny halatr’omby ao amin’ny kaominina Anahidrano. Jean Robert dit LEMAINTY avy ao Marosampanana kaominina Ampandriakilandy‚ iray tarika amin’i Freddy sy Francklin zanaky Jarisone ity tovolahy maty voatifitra ity‚ raha ny fanazavana.