Nandritra io lanonana io dia nisy ny famelabelarana ny sangan’asany teo anatrehan’ny mpikaroka marobe avy amin’ny firenena samihafa . Noresahany tamin’izany ny fahitana ireo karazam-biby efa lany tamingana eran-tany no sady tsy hita afa tsy eto Madagasikara . Teo ihany koa ny famolavolana sy fitarihana ireo mpianatra manao fikarohana momba ny fikajiana ny tontolo iainana mba ahazoana mari-pahaizana Master sy Doctorat .

Reharehan’ny firenena malagasy eo anivon’ny izao tontolo izao ity Profesora ity eo amin’ny lafiny fikarohana ara-tsiansa sy eo amin’ny fiarovana ny tontolo iainana ka mendri-pankasitrahana manokana .

Ny Ministeran’ny Fampianarana Ambony sy ny Fikarohana Ara-tsiansa izay tarihin-dRamatoa Profesora ASSOUMACOU Elia Béatrice dia mamerina ny fiarahabana azy nitondra avo ny fikarohana malagasy .