Noho ny fahasahiranana dia navelan-dray aman-dreniny irery tao an-trano izy 03 mirahavavy ireto‚ ka nandeha nihaza any anaty ala‚ mba hisy arapaka ny antandro. Nahita “holatra tantely” misy poizina mahafaty izy ireo‚ saingy noho ny tsy fahalalana dia nohentina nody‚ nokarakaraina‚ nandrahoina atao sakafo.

   Nitera-doza izany taoriany fihinana azy‚ nivalana sy nandoa izy 03 mirahavavy ary namoy ny ainy ny roa. Ny zoky 15 taona no namoy ny ainy voalohany ary nanaraka azy ilay zazavavy kely vao 05 taona monja‚ mbola manaraka fitsaboana kosa iray 09 taona ary tsy misy atahorana ny fahasalamany araka ny fampitam-baovao voaray.

   Nidina nankahery ny Ray aman-dRen’izy ireo ny mpitondra fanjakana any an-toerana izay notarihin’ny Lehiben’ny Distrika Soanierana ivongo – faritra Analanjirofo.