Raha tsiahivina Dia nahiditra am-ponja vonjimaika ireo roalahy voarohirohy amin’ny fandorana sekoly tao Antanagnambo kaominina Maroala‚ mpandoro sy ilay Talen-tsekoly nikarama 350 000Ar azy.

   Ho fitsinjovana ny mpianatra ao an-toerana sy fankasitrahana ny ezaka vitan’i Pascaline kandida N°02 amin’ny fifidianana Ben’ny tanàna dia naneho firaisankina ny fokonolona tamin’ny fanarenana ny sekoly izay Simba sady ho fitsinjovana ny mpianatra amin’izao fotoam-pahavaratra ho avy izao.

   Natao satrana ny tafo ho fitsinjovana ireo mpianatra amin’ny hafanana sy mba hampifantoka azy amin’ny fianarany.

   Faly aho‚ na tao anatin’ny sarotra aza‚ teo ihany ny vahoaka manampy sy miaraka amiko. Hery lehibe ho ahy izany‚ iatrehako dingana goavana ho avy io‚ ary hanao ezaka rehetra ho fanatsarana ny fiainam-bahoaka an-tanàna noho izay efa mifandray toy ny mpianadahy sy mpirahavavy ao amin’ny kaominina Maroala‚ hoy Pascaline kandida Ben’ny Tanàna – N°02.