Namita hiraka mba hisambotra olona nisy nitory, tao amin’ny kaominin’Amboronabo distrikan’i Sakaraha ireto Polisy avy amin’ny FIP Toliara efa-dahy ireto.

   Vao lasa anefa izy ireo dia niantso vahoaka amin’ny tanàna hafa ireo teo an-tanàna‚ nolazain’izy ireo fa, nisy dahalo nanafika azy sady nisy olona nalain’izy ireo an-keriny ka nirohitra ny fokonolona nanakana ireo Polisy.

   Raikitra ny fifampitifirana‚ sivily 02 maty voatifitra (mpitari-dalana ireo Polisy iray ary avy amin’ny fokonolona iray hafa).

   Nosamborin’ny fokonolona ireo Polisy 04 ary nogadrainy. Nidina ifotony ny mpitandro filaminana mitambatra (Polisy – Miaramila – Zandary) mba hanavotra ireo namany.

   Efa votsotra teo ampelatanany fokonolona izy ireo raha ny fampitam-baovao voaray avy any an-toerana hatreto fa naratra mafy‚ vaky loha avokoa izy efa-dahy.