Anisan’ireo solombavambahoaka poerapoera sady mpampihorohoro mpiasam-panjakana ao Mahajanga II ingahy Leon Rasalama. Nisongadina ary hitam-bahoaka ny fifanolanana nisy teo aminy sy ny Lehiben’ny Distrika taloha izay voatery nafindra toerana mialoha ny fifidianana Solombavambahoaka iny.

   Nivoaka androany 27 Jona 2024 ny valim-pifidianana ofisialy navoakan’ny HCC fa Andriamatoa Orlando Ramananarivo no solombavambahoakan’i Madagasikara voafidy ao amin’ny Distrika Mahajanga II.

   Tsy tafavoaka araka izany ingahy Leon Rasalama‚ izay efa nomen’ireo mponina solon’anarana hafahafa. Nambaran’izy ireo fa samy lany ireo kandida roa ireo fa i Orlando lanim-bahoaka no ara-dalàna fa i Leon kosa lany vola sy lany fotoana tamin’iny fampielezan-kevitra sy fifidianana iny.