Ho tohin’ny fankalazana ny iray volan’ny ankizy natombok’i Rtoa Mpitahiry ny Fitombokasem-panjakana, Ministry ny Fitsarana dia nanantanteraka Fitsarana mitety vohitra ihany koa ny Fitsarana Ambaratonga Voalohany Ambaja ny 28 jona 2024 teo‚ ka nizara didim-pitsarana misolo soram-piankohonana maimaimpoana ho an’ny Zaza latsaka ny 18 taona.

   Natao izany mba hisitrahan’ireo ankizy izay tsy mbola manana kopia lava ny zo hanana anarana, izay zo fototra voalohany tokony ananan’ny olombelona‚ ahatonga azy ho olom-pirenena vanona.

   Marihina fa ao anatin’ny fanatanterahana ny andry voalohany napetraky ny Filoham-pirenena ny fanomezana didim-pitsarana misolo sora-pahaterahana na ny « Fanandratana ny maha olona ».