Tsy nisy nanampoy ny fokonolona tao an-tanàna fa afo niredareda‚ nandevona trano 25 tafo tao Bejabora kaominina Ambodivongo Distrikan’i Port Berger androany 02 Septambra 2024 tokony ho tamin’ny mitatao vovonana teo.

   Manodidina ny 90 ny olona traboina‚ potika avokoa ny fananana‚ ireo vola tahiry hiatrehana fotoam-pahavaratra sy ny fidiran’ny mpianatra amin’ny herinandro ambony, may ny fitaovam-pianarana kely efa azo‚ fitaovam-pivelomana…