Miaramila zazavao miisa 67 nahavita fiofanana ara-miaramila tato amin’ny Bataillon d’infanterie Antsohihy no naseho ambany faneva omaly 11 Oktobra 2024.

   Miaro ny vahoaka sy ny fananany ary ny fiandrianam-pirenena no antom-pijoroan’ny miaramila eo anivon’ny Tafika Malagasy. Any Ambanivohitra no tena iasana fa manampy amin’ny hetsika atao an-drenivohitra kosa indraindray‚ hoy ny Kolonely Cdt de bataillon d’infanterie Antsohihy‚ nanazava.

   Notanterahina nandritra ity fotoana ity ihany koa ny lanonana famindram-pibaikoana amin’ireo Holafy 03 anaty bataillon d’infanterie Antsohihy ( Anahidrano – Antsohihy – Bealanana ). Niatrika izany ireo manam-boninahitra Jeneraly‚ sy ireo manam-boninahitra ambony ary ireo manampahefana‚ tompon’andraikitra ambony aty amin’ny faritra Sofia.