Voahantson’ny Polisy any Norvège mba hatao famotorana i Assanati Famo Gidraka ilay vehivavy tompony sady namorona “werawera tsy maintsy mandeha” mizara vola amin’ny vahoaka Malagasy mahavita mi-werawera isan’andro aty Madagasikara.

   Omaly alatsinaina izy no niantrika fiantsoana natao azy. Nitondra fanazavana anefa izy mialohan’io fa raha tsy tafaverina amin’ny tambazotran-tserasera izy dia voatazona vonjimaika any am-ponja na MD araka ny nambarany.

   Niandry vaovao nandritra ny tontolo andro ny mpanaraka fa hatreto‚ tsy mbola hita nilaza ny tohim-baovao momba azy izy ka mitaintaina ny mpanaraka fandrao nahiditra am-ponja vonjimaika tokoa ity vehivavy tompony werawera ity.

   Andrasana araka izany ny vaovao ofisialy sy marina momba azy fa izany‚ efa nanafatra mialoha izy hoe : «Raha sanatria tsy tafaverina eto amin’ny Facebook aho rahampitso dia mitohy fona ny WERAWERA tsika satria efa nanokafako ny compte Werawera aty NORVEZY ihany koa Mr Freddy 6mois lasa zay, ary efa any aminy ity carte Bleu ity no sady efa nasiko vola 10Milliard Fmg hozaraina aminareo isanandro eto anampiana anareo atao Tosika Fidirany Mpianatra mandrapaha. Izany hoe‚ mandeha fona ny werawera tsika ary tsy azo ajanona izany satria tsy manana olana ara-bola isika mpiwerawera. Werawera tsy maintsy mandeha Tompokolahy sy Tompokovavy.» hoy izy nanao fanambarana.