Handraisana fepetra avy hatrany ireo mikorontana sy mandoro kodiarana. Toy izany koa, ireo mpandrangitra sy mpamporisika olona hikorontana ato amin’ny tambazotran-tserasera‚ io raha fintinina ny fanambaràn’ny Prefen’Antananarivo, omaly 08 Novambra 2024.

   Nanome baiko ny mpitandro filaminana izy mba handray fepetra avy hatrany raha mahita tranga toy izany‚ satria manan-jò hivezivezy an-kalalahana sy hody isan-kariva am-pilaminana ny vahoaka, hoy izy.

   Fanapahan-kevitra noraisina taorian’ny fivorian’ny Organe mixte de conception (OMC) izany‚ mba hisiany filaminana eto Antananarivo renivohitry Madagasikara.

   Tsiahivina‚ toerana maromaro no efa nahitana hetsika‚ fandorana kodiarana‚ ny fahatapahan-jiro sy rano eto an-drenivohitra no voalaza ho anton’izany.