Raha ny vaovao nivoaka an-gazety mpiseho isan’andro iray dia nindaosim-pahafatesana ity tovovavy‚ kilasy famaranana ao amin’ny “Lycée Horace François” Antalaha ity‚ rehefa nisamborin’aretina tampoka teo am-panaovana fifaninana Miss tao Ampanefena Vohemar ka nialana nenina tamin’ny toeram-pitsaboana andro vitsy mialoha ny fetim-pirenena iny.

   Nambaran’io gazety io araka ny fanadihadiana dia poizina azo avy amin’ny akora simika izay tafiditra anaty vatany no nitarika azy amin’ny fahafatesana ary efa misokatra ny fanadihadiana momba ny raharaha ankehitriny‚ noho izy mampiahiahy ny fianakaviana.

   Raha ny vaovao voaray avy any an-toerana anefa dia nafarina hiatrika io lanonana tao Ampanefena Vohemar io ilay tovovavy sy ny namany‚ saingy nalefa nody izy rehefa hita fa hafahafa sy narary mba ahafahana mitsabo azy‚ kanefa ilay Andriamanitra Andriananahary no tompon’ny lahatra‚ tsy tàna ny ainy na efa nialana nenina aza. Mankahery ny fianakaviana manaman-jo.