Nitondra taratasy misy soratra lava be izy ireo mba hilazana fa nisy nitory ity raim-pianakaviana ity ka tonga haka izy ireo mba hatao famotorana ny harivan’ny 31 Jolay hifoha 01 Aogositra 2024 teo.

   Natoky azy ireo ny “Quartier mobile” izay nandalovany rehefa nahita taratasy sy fanamiana nataony ka nohentin’izy ireo ity raim-pianakaviana ity ary notifiriny mba ho faty tsy lavitra ny tanàna Andavaravina kaominina Analalava Distrika Analalava.

   Raha ny angom-baovao dia misy ifandraisany amin’ny hetsika fampandrian-tany nataon’ny Zandary ka nahafatesany ireo dahalo mpampihorohoro vahoaka tamin’iny Distrika Analalava iny ity tranga ity. Heverina ho valifaty amin’ny fitoriana sy fandrasaina andraikitra nataon’ny Zandary.